Ақын, жалынды жазушысы, мемлекет қайраткері Сәкен Сейфуллиннің 130 жылдық және қазақтан шыққан тұңғыш академик, геолог-ғалым Қаныш Имантайұлы Сәтбаевтың 125 жылдық мерейтойлары қарсаңында 2024 жылы 22 мамырда Әбілқас Сағынов атындағы Қарағанды техникалық университетінің Инновациялық технологиялар колледжінің ұйымдастыруымен VI Облыстық «Жаңа ғасыр жастары» атты жас ақындар мүшайрасы өтті.
Жыр додасына 15-19 жас аралығындағы мектеп оқушылары мен колледж студенттері қатысып, сайыскерлер С.Сейфуллин мен Қ.И. Сәтбаевқа арнаған арнау өлеңдерімен қатар, еркін тақырыптағы өз туындыларын оқыды. Аталмыш жыр жарысына «Теміртау жоғары политехникалық колледжі» ЛТ-2023-1 тобының І курс студенті Досжанқызы Гаухар қатысып, бағын сынап қайтты. Жетекшілік еткен: қазақ тілі мен әдебиеті пәнінің оқытушысы Есбенбетова А.К. Жас ақындарға әділ бағаларын берген қазылар алқасы сайыскерлердің өнерін бағалау кезінде өлеңнің көркемдік ерекшелігіне, ұйқасына, тіл тазалығына, дауыс мәнеріне, сондай-ақ сахналық киім мәдениетіне баса назар аударды.
Байқау жеңімпаздары мен барша қатысушыларға және тәлімгерлеріне университет пен колледж атынан арнайы дипломдар, алғысхаттар және кітаптар табысталды.