"Абай оқулары" байқауы

2024 жылдың 26 сәуірінде "Теміртау кәсіптік-техникалық колледжінде" жыл сайын дәстүрлі түрде техникалық және кәсіптік, орта білімнен кейінгі білім беру ұйымдарының студенттері арасында облыстық "Абай оқулары" байқауы өтті. Осы орайда "Теміртау жоғары политехникалық колледжінің" 2 курс студенті Попов Владимир Константинович ( жетекшісі: Жетимекова Ж.Е.) және 1 курс студенті Наурызбаева Балнұр Кушербаевна (жетекшісі: Есбенбетова А.К.) қатысып, өз өнерлерін көрсетіп, бақ сынасты. Байқау 2 бағытта (гуманитарлық және техникалық) және 2 номинация бойынша ("Казақта қара сөзге дес бермедім" және "Ұйықтап жатқан жүректі ән оятар") өткілізіп, жеке-жеке бағаланды. Бір қуантарлық жағдай, жыл сайын қатысушы үміткерлердің саны артып келуде. Байқау қорытындысы бойынша "Ұйықтап жатқан жүректі ән оятар" номинациясында өз өнерін паш еткен Попов Владимир Константинович ІІІ дәрежелі дипломды қанжығасына іліп қайтты. Байқау өте әділ түрде өтті. Барша ұйымдастырушы ұжымға алғысымыз шексіз. Дәстүрлі "Абай оқулары" байқауы тек облыс көлемінде ғана емес, республикалық деңгейде де ауқымды көлемде өткізілуіне тілек білдіреміз