ҚАЗАҚСТАН КОЛЛЕДЖ ОҚУШЫЛАРЫ КӘСІБИ БІЛІМ БЕРУ ЧЕМПИОНАТЫНДА ӨЗ ӨҢІРЛЕРІН КӨРСЕТЕДІ «WorldSkills Kazakhstan - 2023» республикалық чемпионатына еліміздің түкпір-түкпірінен 545 студент қатысуда. Бүгін елордада жарыстың салтанатты ашылуы өтті. Оған Білім бірінші вице-министрі Наталья Жұмаділдаева қатысты. «WorldSkills – техникалық және кәсіптік білім беру саласындағы ең ірі жаһандық қозғалыстардың бірі. Біздің студенттер әлемдік аренада жоғары өнер көрсетуде. Қыркүйек айында Қазақстан құрамасы Польшада өткен жарыстарда екі медаль мен төрт «Айрықшылық медалін» жеңіп алып, қатысу тарихындағы ең жақсы нәтиже көрсетті. Бұл – Мемлекет басшысының қолдауының арқасында қол жеткізген елеулі жетістік. Колледждердегі мемлекеттік білім беру тапсырысы 133 мың орынға дейін ұлғайтылды. Ағымдағы жылдың қыркүйек айынан бастап колледж студенттерінің шәкіртақысы 50%-ға, 2024 жылы 100%-ға дейін өсті», - деп атап өтті Наталья Жұмаділдаева. Чемпионаттың мақсаты – жұмысшы мамандықтарының беделін арттыру, озық тәжірибелер мен кәсіби стандарттарды енгізу, техникалық және кәсіптік білім беру жүйесінде сараптамалық қоғамдастықты дамыту және т.б. Үш жарыс күнінде, 23-25 қараша аралығында. колледж студенттері 30 құзыреттілік бойынша өз шеберліктерін көрсетеді. Республикалық чемпионат қорытындысында жүлделі орындарға ие болған жеңімпаздар 2024 жылдың 10-15 қыркүйек аралығында Францияның Лион қаласында өтетін халықаралық WorldSkills чемпионатына қатысу мүмкіндігіне ие болады.
Іс шара
ҚАЗАҚСТАН КОЛЛЕДЖІНІҢ ОҚУШЫЛАРЫ КӘСІПТІК ЧЕМПИОНАТТА ӨЗ ӨҢІРЛЕРІН КОРСЕТЕДІ
2023 ж. 30 қараша
