Электр механигі

Электр берілісі линияларынан басқа, электромеханиктер мен электромонтерлер электровоздар мен қалалық электрлік көлік сияқты электрлік көлік құралдарында, ғимараттарда, зауыттарда, цехтарда немесе басқа орындарда электромеханикалық жабдық пен басқа электрлік аппаратураны жинайды, ретке келтіреді, орнатады және жөндейді.
Олардың міндетіне кіреді:
− электрлік машиналар мен моторлардың алуан түрлерін, генераторларды, таратқыш құрылғыларды, бақылау-өлшеу аппаратурасын, аспаптарды немесе көтергіштердің электрлік компоненттерін және ұқсас жабдықты құрастыру, теңшеу және жөндеу;
− күрделі жөндеуден кейін қуаты әр түрлі электрлік қозғалтқыштарды, электрлік аппараттар мен трансформаторларды кешенді сынақтан өткізу;
− үй тұрмысындағы заттардың, өнеркәсіптік машиналар мен басқа аппараттардың электрлік компоненттерін құрастыру, теңшеу және жөндеу;
− өнеркәсіптік электрлік бұйымдарды тексеру және сынақтан өткізу;
− электрлік жабдықты, сымдар мен бақылау жүйелерін орнату, сынақтан өткізу, қосу, пайдалануға енгізу, техникалық қызмет көрсету және жөндеу;
− электрлік және гидравликалық жолаушылар және жүк лифтілерін, эскалаторларды, қозғалмалы жолдар мен басқа көтергіш жабдықты жобалау, орнату, техникалық қызмет көрсету және жөндеу;
− қоректендіру көздеріне электр жүйелерін қосу;
− жарамсыз компоненттерді ауыстыру және жөндеу.